對現時既網遊非常心淡（更新左兩隻本人最愛既ＯＧ評價)

逝小翼

唉 , 其實真係我要求多多 我認既..

但係 來來去去得以下依幾種遊戲 我相信唔只得我一個咁諗.
等我集中講下依幾隻有小小特色網遊不足之既地方：


打怪網遊(RPG) , 唔理你3D2D回合制即時制 , 你都改變唔到你係打怪做任既網遊 .
係垃圾網遊黎講佔最多位應該係佢 , 生產商一味注重畫質 , 無視其耐玩程度 ,
加上普遍既RPG 都係以高等比較好玩 , 當然 , 有部份玩家有恆心好悶咁樣打怪做任打怪做任升上去 ,
但係普遍既香港玩家都會半途而廢 , 包括我在內 ,

仲有仲有 , 完善既交友系統係非常重要 , 一個完善既交友系統 , 可以另依隻GAME既人流KEEP住 , 最小唔會主SER都拍蚊 , 原因?
完善交友系統->人易係網遊入面識朋友->為左同朋友玩唔會咁易離開隻網遊.

可以改善既 , 就係為前中期(低等時)加插一些特色系統 , 每10LV就可能有新野玩.
或
低LV PK唔會輸比高LV , 技術型ONLINE


AIKA : 我覺得 AIKA 既國戰系統真係真係真係做得唔錯 , 可惜 , 我升到35左右無玩, 我公測開始玩既
果時仲同班40一齊去其他國殺人 好好玩. 但係 , 點解我會走? 就係遊戲對中等玩家缺乏新鲜感 , 當然 , 過到依關之後日日去國戰緊係好玩 , 但係我真係接受唔到.. 何況其他無國戰無特色既網遊?

SD高達: 其實我覺得SD高達唔錯 , 但對一D唔鐘意高達既人唔公平 特別係SD左..

龍之穴: 開頭幾新鲜 , 都可以留住我 , 但係職業不平衡(我衰仔簡左劍王我錯-_-) 另我28LV劍王無辦法有心機咁繼續落去. 但佢已經做得唔錯 , 同埋佢可以加番啲打怪區 , 副本用黎做任務 , 但係唔入副本一樣打到怪 , 咁樣我覺得會更好..

CSO , MKZ , AVA 等等: 槍GAME? 我都有玩喎, 依種GAME講求合作好緊要 , 所以一開始我都以為接受到 , 但係玩左幾場都無玩 , 因為全部都係拎住支槍沖沖沖射射射 , 最多都係有戰術地沖同有技術地射 , 佢可以變既地方可以話係無..(CSO算變得最多 . 可以做埋彊屍) 但係依種槍GAME都可以另我得閒開黎玩下 回味一下.

LEAGUE OF LEGENDS: 我可以同佢拉埋魔獸信長黎講 , 唔會介意嗎?  LOL 跟本同魔獸既信長真三國DOTA 差唔多 , 唔同角色 , 武器 , 咁啦.其實依種GAME 唔洗升LV , 可以拎高等低箋玩家鬥技術.
但係問題出現係千篇一律既一場場既遊戲. 場場都係5打5 , 場場都係上中下路合作 , 我玩信長玩到悶 , 再玩LOL我玩左3場頂唔順...(魔獸信長我而家都無玩)

NFSW: 車 , 我都岩喎 , 點解我又會放棄呢? 原因同上面既槍GAME一樣 , 如果唔係太大興趣應該都唔會玩得耐 , 但我仍然會得閒悶得制都會開黎玩下

勁舞團(1 , MOOV , 2) , 唯舞 等等: 依種音樂GAME , 可以另當時剛接觸網遊既小朋友可以玩落去 ,
勁舞1既自由模式成為我一開始既目標.但係我離開既原因唔係隻GAME既問題 , 係玩家問題. 我走果時 , 日日都見到啲(滅 , 踩 , 乜射乜嘖)都有齊哂 , 其實滅完又點?你方佢真係封號? 就算封左號你估佢唔會繼續玩勁舞? 有既 , 無幾多個. 而日日見到依啲房真係好心淡.

---

*(29/7 16:10新增)
魔力1和魔力2: 哈哈 應該係我最愛既RPG竟然唔記得左打. 我覺得真係超級無敵非常之好玩 , 可惜 , 魔力2既遊戲幣回收唔夠 , 搞到成街有錢仔..加上高等PK會爆裝 , 搞到無人有心機PK , 高LV唔PK仲有咩做 所以走哂. 魔力1: 我諗除左WOW天堂果啲之外 , 魔力1就係最受歡迎既RPG , 同巨商齊名.可能有好多人都唔識魔力 , 因為佢係一隻回合制2D RPG , 加上收費 , 同埋台灣人多 , 所以無乜人會提 . 但係佢仲生存到 點解點解呢? 因為遊戲需要合作 , 合作要識FD , 佢特別地方係 做杖 做劍 做衫 都可以分開職 , 而佢又係一隻收費GAME 所以無乜人會雙開(除非你有錢比雙/3/4月費) , 而你一隻AC最多開2條友 , 所以你點都要搵人買  , 而搵熟人會平D依個唔洗問 . 所以就拎到你好友欄最小有5個都係生產系既人 . 而生產系既人點搵材呢? 又要搵幾個人專係幫你做材賣比你既 . 如此類推就成左一個好大既交際網絡 , 最後加埋同你一齊升LV打王既FD , 就係一個成功既OG內所需既大型交友系統.. 唔好喇喎 , 一定有唔好 , 如果唔係我都繼續玩啦- -.. 就係 , 隻GAME因為太舊 , 都係無乜點更新 ........ 同以下既一隻GAME一樣 人流不斷減小..
(幾年前睇佢係5.0砂之記憶 覺醒的光 岩岩去睇仲係. . .)

彩虹冒險: 彩虹真係一隻好GAME , 但係衰咩? 衰開發商 , 睇小依隻GAME , 有成兩年無更新 最後汁埋 , 真係比個叻佢. 係我F1(4年前) 依隻GAME可以話係大熱 , 魔力1因為收費而我果時零用比人扣左唔夠錢玩 , 就轉左彩虹.. 果時高頻12個爆8個 中頻 爆一半 試問一隻唔係3D既GAME 點會咁勁? 就係合作 仲有佢係交流模式 , 基本上仲多過其他模式 , 除左賣野之外 , 你地記唔記得仲有咩標題? 就係招朋友 招兄弟姊妹招公招婆 公會收人都有. 而且多數都有人入.就係成功地方. F2我開始走 , 因為一年黎完全無更新 , 13仔之後就無見過更新. 之後我就開始周圍ONLINE都試下 直至而家..


TO各大開發商:
其實玩網遊 , 大部份人都鐘意熱鬧同識朋友 , 如果唔係玩pc仲好 , 我唔相信pc既質素比網遊差.
但係各大開發商仍然未諗通依點..除左勁舞團.雖然我唔覺得你地會睇到.-_-但係你地睇下勁舞團, 你覺得佢真係因為跳舞好玩? 如果係既 , 我投降.你地試問 , 你地有能力同PC GAME既FF PES  果啲比畫質比系統咩?. 我答你 , 做OL太多限制 無可能比PC做得好 , 你唯一既就係係交友度做好啲 , 希望你地快啲諗通 用兩年至三年整隻真係岩個市場需求既網遊 , 之後我考完HKDSE就有得玩:lol

---

*(31/7 11:30新增)
我岩岩又諗到小小野想講 , 魔力當時成功既原因係 多職業 如果無左某一種職業既朋友你係隻GAME入面生存唔到.
你唔想整咁多模組咁多動作你就唔好整OL啦唔該. 魔力我諗唯一不足之處都係一開始簡角色係定左係20幾個角色入面簡樣
但係我覺得唔係大問題 , 唔洗改都得 , 但係魔力1 咁好玩 , 點解魔力2 啲人會走哂? 就係職業大幅減小;p
講到依度其實我都係想帶出一個信息 , 你唔洗講咩遊戲特色出黎 , 你要既只係默默咁諗下點樣可以做到職業互補互助.
當成功諗到既時候你隻game就會好好收. 畫質真係其次 , 你見回帖既玩家 , 大多數都唔係講緊畫質 而係講緊系統
畫質 當然要做 , 但唔係主要 ..




暫時我諗到咁多 , 其他唔提既一係我未諗起一係我覺得廢到無雖要提 , 執左果啲我無講 ..

同埋我想知有幾多人有心機睇哂依篇野 有既請舉手._./ (其實我覺得每個人都會剩係睇自己有玩過OL既果部份-_-)
如果有咩對現時既網遊有抱怨/有意見都可以係以下提出, 我都想睇下會唔會有啲我未諗到;P

wiwy

低LV PK唔會輸比高LV , 技術型ONLINE  

其實呢項先係部份game冇人玩既原因

升左lv=冇升lv   咁育成既意味去左邊?   
你話賽車/跳舞既game咁樣我接受到,但係如果係打怪/打人game我就認為不合理

zengzibi

龍之谷的確留不到人，玩到32已經不想玩，職業不平衡，交易都要用點,打架只能在房打。如果可以出城打怪，沒有疲勞限制。出城開紅，咁就正

jokewell7

認同呀。冇玩魔力之後冇一隻玩得沈迷...魔力交友真係做得好好..識到好多人
係任難做d

狸大

online game
人生之中只有3隻我認為好玩~.~
幸福online
同楓之谷(wonder king都唔錯)
可惜
第1隻比戲谷整死左
第2隻有點玩晒加副本太多,好多好玩既副本都唔見晒人,人多既就係一d幾分鐘完事,係咁打怪係咁打怪,冇時間同人吹水既副本,同d戰友唔見晒
至於wonder king,美版人就少.港台就比GC拎到個代理之後就潛左水~.~

冷星魂

個人感覺是現在的有點新不如舊的感覺

所以現在可能我轉向網頁的跟玩回舊的網遊就好了

hichan1994

本身我鐘意玩下一d好玩o既mmorpg打怪game...e家玩緊iris= =雖然唔明點解d人話唔好玩...但我覺得真係唔錯 ...
mui1388ken 發表於 3-10-2010 19:35

打怪game唔係唔好玩...

只不過要睇打怪模式如何..wow算係做得很好。

而且入面好多得意野可以玩~

所以我E家去左玩wow lu~

...雖然lv唔高- -" 話說升到6x 唔想打副本升...想升80,幾日都ok,問題係冇心機...(本人戰場狂是也)


唉~~等緊碼奇英雄傳啊~~~~~

mui1388ken

本身我鐘意玩下一d好玩o既mmorpg打怪game...e家玩緊iris= =雖然唔明點解d人話唔好玩...但我覺得真係唔錯

鴨子;)`

分析得幾好丫-v-
我都系響出面搜尋野見倒尼篇野..申請帳號黎回覆
其實玩網遊真系著重交友-_-
老實講我由升f1開始玩網遊..
彩虹冒臉真系好吸引 真系衰響佢吾更新然後汁-_-
勁舞1我系完全一時玩一時吾玩果d黎-___-系咁斷斷斷 重玩完又因為fd吾玩又吾玩..
但我欣賞勁舞1既交友模式 其實佢既模式吾系吾好玩 但唯一差就系d人成日滅黎滅去-_-真系好煩
尼個暑假開始仲系咁炸頻炸房-___-而家炸號都出嘛 真系好煩(我暑假又玩返)
勁舞2我覺得畫面果d野同勁舞1差太遠-_-吾想玩
你講既有d game我就無玩過/好少玩 所以吾回應

彩虹島其實都吾錯-_-不過我覺得悶就系打怪
黎黎去去都系果d d怪要睇lv打-_-無技術可言
副本都仲可以玩幾好玩 裝備、技術都要有少少 怪出既道具亦好正
d稀有野都好令 人物又可以整到好得意 好有個人風格 交友還可以..
但真系衰在對中手老手黎講好悶-______-副本幾個高lv+少少技術+勁裝已經殺哂

不過我覺得最好玩系瑪奇-v-
唯一缺點系頻道選左人物系無得轉ser-_-開左個人物響咩ser就無得轉 只系有ch揀-_-
要轉第2個ser玩就要再開人物 而且交易不共通..
另外就系地圖好大-_-城市傳送點(星月門)只系響指定時間開某個地方  平時吾開可能用屋企傳單記點/騎寵飛寵(要點亦都幾貴-_-)
但系瑪奇系唯一留住我最耐最長久既game..
因為交友非常好-_-有公會有家族(家庭)而且玩家大部份都好有禮貌好友好
不過因為港澳台系同一個既-_-所以吾同ser港人台人澳人佔既比例吾同
就好似我玩開既愛頻 就系大量台人少量港人澳人=w=不過只要你打書面語其實都溝通倒.
台語吾明佢地會解釋-v-你亦可以先表明自己系港人/澳人  台人會調節令你明白=w=當然我地都要咁啦
而且佢吾同一般打怪game-v-職業系自由選擇 亦有3個種族
你可以揀你主修咩職副修咩職-_-亦系考技術既game
更加無lv講 因為50lv以上開始好難升=w=除非你累等過800..
而且仲有角色育成感覺..歲數可以自己揀-v-當然有能力不同.
造型又多樣化=w=非常吸引 最吸引系主線任務 系一個故事 無次更新都會系新既主線
影子任務亦好好玩 仲有其他任務玩=w=亦有大量既活動俾玩家參加=w=非常有交流性
不過-_____-黑橘好屈錢..恩..

。新月。

我依家剩係接受到既online game 就只係得魔獸世界/口\ 中毒太深

玩過最好既又點會降級玩?