本帖最後由 星雪夜車神 於 18-10-2010 07:16 編輯
(超級字海 大家俾D耐性XP)
致親愛的港服RCO 首先,多謝你,多謝你帶俾我咁多朋友,多謝你俾左兩年幾咁美好既回憶我。我地好可能12月8號就要分開,老實說,係非常的唔捨得,不過你放心,剩低既日子,我一定會陪你走完...
RCO,你記得嗎,公測一開始我就投入左你既懷抱。你既哥哥,國服RCO,已經教左我好多同你相處既道理,所以好快我地就做左知心既好朋友。係你既世界入邊,我得到既,非常多非常多......
當我仲係10幾級既時候,認識到ESGS三怪頭,我相當驚訝於佢咁快就成為40LV...RCO,係咪你既安排?我地居然好快成為好朋友,佢陪我走過左好多交叉路,令我係你既世界,得到好多既快樂同滿足...佢一直都非常幫助我,結果話咁快,我就24LV...
當我24LV個日,我進入了ESGS,由一入去既第一日,我就同自己講,ONE LIFE,ONE LOVE,E個車隊一定會係我既一生至愛。係入邊,我又認識左一個又一個既好朋友,大陸偷渡鼠,JAY,飛車TODAY,東哥...多謝你安排咁多人無條件咁幫我,令我成長得非常快...話咁快 我又到30LV了...
我開始了車隊戰既生涯,第一次車隊戰令我非常難忘。RCO.你亦俾我見識到你活潑既另一面。第一次車隊戰既結果係點,我已經唔係好記得了...不過結果其實亦不重要,對嗎?我只記得經過車隊戰,我更加認識同熱愛車隊,又識左冰人/MVP等朋友...
好景不常,對嗎?ESGS當時分裂成兩派,每一日都係隊里邊出現罵戰...結果不足1星期更4分5裂...好多隊員轉投CIT,係我仲未知道咩事既時候,突如其來既重擔已經壓係我既身上...我好記得,車隊最差既情況,係只有4個人會經常在線...快車,AE,仲有高橋同埋我...快車,AE仔...直到今日你地都冇離開,我非常多謝你地...
黑暗既時刻好快就過去了,因為大家既努力,ESGS慢慢又重建返起黎,雖然冇時間升級,但係大家都完全冇怨言,係E個期間,我地不停咁招收新既隊員,係其間,我認識左最愛,老狼,仲有映君同芊芊E對姊妹,車隊多返好多生氣...
[你怎么還是37級啊 还真佩服你面皮差不多十米厚...]最愛,多謝你一句話驚醒左我,結果我終於成為40LV既車手...後來又完成左傳說...可惜你已經離開了
慢慢地...車隊又開始鼎盛起黎...JAY ESGS元老之一,係我地又成功守地之後,正式把ESGS港服既車隊隊長交託左俾我...多謝JAY,雖然你已經唔係ESGS了...不過當天既相 我到今日都KEEP住...
後來,多得咁多位隊員既努力,ESGS係你既世界,留低了它的名字...我非常努力,希望咁多位隊員可以玩得開心,接下來既日子,我又認識到火火(青虹紫月),佢既加入令車隊注入左更加多既原動力...RCO 多謝你介紹一位咁好既令女俾我^-^,車隊戰亦一直KEEP住咁進行...好辛運地...隊員們都非常合作,我地長期可以守住一個地盤,慢慢地...車隊出現左D變化...大家打車隊戰變得非常驕傲...結果我做左一個非常沉重既決定...
係E度,我要同惡魔暴族講聲,多謝你地。你地一舉打下青龍,係俾我地既隊員一個當頭棒喝,話俾我地知一山還有一山高...多謝RCO又俾我上左重要既一課...
結果車隊戰方面,我地又沉默左兩個月。係E兩個月我努力咁整頓車隊風氣...跟住我又認識左非常多既好朋友,好隊員,例如CANDY,勁慢等等...當我覺得隊員都變得成熟既時候,在加上遇到RAY200既強力支持,我又出黎打車隊戰了~後來非常幸運咁拿下三地
多謝RCO俾左個咁既機會 咁既回憶我...
拎下三地後,我地車隊成為好多人批評既目標,我一開始覺得非常氣憤,大部分批評都係無中生有...不過RCO,你又教我上了重要的一課...到最後我都係發現,朋友比榮譽更加來得重要...
RCO,多謝你...係你既世界,我有得有失....不過得到既遠遠比失去既多...我得到朋友,得到珍貴既回憶,得到快樂,得到滿足...雖然有點兒損失,但我係唔介意的了...另外咁多位玩家~我地冇可能玩一輩子既遊戲,但可以做一輩子既朋友!希望之前同我地發生任何衝突既朋友...係E個時刻,我地可以和好如初! 多謝rco俾左咁多朋友我!亦好多謝咁多位朋友,朋友名單實在太多...係度就唔打出黎了!(遲d放d圖上黎先xpp)
RCO,再見了!
你既好友
星雪夜車神上
PS~咁多位玩家,..我既MSN係bamboo0618@hotmail.com
大家有興趣搵我做朋友 可以加我~(註明係邊個)
另外我希望聽下大家對我有咩評價 如果可以請盡情發言...
係好係坏 我都保證唔會出現罵戰^-^ |